串Grill 自助燒烤專門店 (譽發廣場) (Closed)

慶祝舊男同事確認升職，所以搵啲飽肚又過癮餐廳，就埋近佢屋企揀油尖旺，所以嚟咗「串Grill 自助燒烤專門店」，貪佢加埋一先$218一位，而且120分鐘慢慢燒、慢慢Chill🤭🤭一入座無耐，我哋就急不及待點食物。食物種類非常多，雞豬牛羊海鮮蔬菜，各式其式。在食物上檯前，除咗先到飲品櫃揀任飲飲品(汽水、烏龍茶、豆漿等等)，就係要先調製檯面上備有嘅醬汁(柚子、燒汁、魚露)，再預備一陣用嘅鹽、味椒鹽、七味粉和孜然粉。🍡🍡🍢🍢食物上檯，全部都好新鮮，我最鍾意M6和牛牛柳、美國豬肉眼、羊肉卷、雞軟骨等等。將食物放係燒烤爐，不停轉動嘅輸送帶，會將串燒自行轉動，燒燒吓睇實個火喉，將個火喉掌控得好，自然燒出食物鮮味和口感😋😋最後食埋最愛嘅燒棉花糖，燒咗120分鐘，兩人食左近70串串燒，食飽飽非常滿足😁😁串Grill 自助燒烤專門店地址：旺角彌敦道558-560號譽發廣場7樓