Video
Read full review
2021-09-28
37 views
尖沙咀又多一間樓上雞煲火鍋任食放題, 地點離港鐵站2分鐘內路程, 交通方便。餐廳以綠色做主調, 設多個卡位, 坐得舒服,分別有三款套餐選擇, 我地揀咗中價位【特選滿足吃到飽】, 首先頭盤有自選口味雞煲/酸菜魚, 我地就揀咗韓式芝士雞煲,雞煲送上檯時, 雞件已熟, 而且沾上了辣汁(可自選辣度), 面層佈滿大量芝士碎,稍為加熱直至芝士全溶, 開蓋就食得,熱辣辣時, 可拉出超長芝士絲, 每件無骨雞件外層包住辣辣地醬汁又沾上了芝士, 雞件嫩滑多汁, 辣辣地又散發陣陣芝士香, 惹味滿足。之後再自選湯底轉打邊爐,揀咗胡椒豬肚湯底, 味道很有胡椒香, 微微地嘅胡椒辣, 豬肚爽口。送上一盤美國極品級靚牛併盤, 呢盤為一次性供應 如果想再encore就要逐一收費。特級牛胸爽: 質地超爽滑, 唔油高級雪花肥牛: 油脂比例最多, 較為嫩口精選金錢展: 油脂極少, 但薄切令口感冇咁厚實鞋口嚴選牛下肩、牛板腱: 肉味較重任食款式包括有少量牛、豬、雞、海鮮, 經QR code落單,日本黑豚五花片很嫩滑牛柏葉夠爽墨魚滑、蝦滑: 雖然不是好彈牙果種, 但夾集了墨魚、蝦碎粒, 幾有層次原本menu上有海蝦, 因缺貨而用
餐廳以綠色做主調, 設多個卡位, 坐得舒服,
分別有三款套餐選擇, 我地揀咗中價位【特選滿足吃到飽】,
首先頭盤有自選口味雞煲/酸菜魚, 我地就揀咗韓式芝士雞煲,
雞煲送上檯時, 雞件已熟, 而且沾上了辣汁(可自選辣度), 面層佈滿大量芝士碎,
稍為加熱直至芝士全溶, 開蓋就食得,
熱辣辣時, 可拉出超長芝士絲, 每件無骨雞件外層包住辣辣地醬汁又沾上了芝士, 雞件嫩滑多汁, 辣辣地又散發陣陣芝士香, 惹味滿足。
之後再自選湯底轉打邊爐,
揀咗胡椒豬肚湯底, 味道很有胡椒香, 微微地嘅胡椒辣, 豬肚爽口。
送上一盤美國極品級靚牛併盤, 呢盤為一次性供應 如果想再encore就要逐一收費。
特級牛胸爽: 質地超爽滑, 唔油
高級雪花肥牛: 油脂比例最多, 較為嫩口
精選金錢展: 油脂極少, 但薄切令口感冇咁厚實鞋口
嚴選牛下肩、牛板腱: 肉味較重
任食款式包括有少量牛、豬、雞、海鮮, 經QR code落單,
日本黑豚五花片很嫩滑
牛柏葉夠爽
墨魚滑、蝦滑: 雖然不是好彈牙果種, 但夾集了墨魚、蝦碎粒, 幾有層次
原本menu上有海蝦, 因缺貨而用咗蜆取締, 還好蜆鮮甜冇沙。
其中最驚喜又值得encore就係鯇魚片, 薄切又被拆骨, 極之嫩滑, 可以放心大啖食。
而蔬菜、丸類、飲品、甜品設自助區,
飲品除了罐裝汽水, 仲有養生自家飲品,
甜品方面就有芋圓、小丸子等自行加配, 其中熱辣辣豆腐花仲超滑, 正!!
Post
