銀座日本料理鐵板燒 (Closed)

真是太美味了，無疑係幾好味嘅！啲泰國姐姐好好人，咪咪笑，唔會好似對面"小X谷"啲阿姐烘燶面包- 黑口黑面。又平，食得開心。推介：辣椒膏炒蜆- 好香椰汁味，靈魂在於乾葱起鑊加埋金不換嗰陣獨特香味，啲汁勁正，大蜆反而變咗綠葉。辣度可以接受，蜆不多。醃粉絲沙律- 勁多辣椒、乾葱、西芹等香菜，撈埋啲海鮮、肉碎，而粉絲索哂啲酸辣汁，非常惹味。都幾辣，嗜辣嘅我都辣到聲。酸酸辣辣好醒胃。燒雞全翼- 燒得夠乾身，但啲肉仍然juicy，不要點泰式雞醬，點泰式海鮮汁就哂香！以上三寶我次次都點，2人用，食完啲粉絲都夠哂飽。唯一欠佳就係味精多，有時要飲多兩杯冰飲。呢招係咪佢哋嘅策略呢？咁就不得而知嘞！*同意之前食客之批評- 燒牛肉太嚡，太硬。