東城酒家 (Closed)

成日聽到阿仔話同D同學去東城打邊爐？我心諗.....D中學生去得任飲任食，肯定都唔方貴，後尾佢話我知係128，我心諗....食乜呀？於是有日約左個朋友去試吓咩料？堅係128，仲要冇加一，所謂的任飲任食，真係冇呃人，仲要任飲係講緊汽水啤酒韓國飲料，仲要連酸梅湯等嘅飲品都包埋，任食係有生同熟之分，熟食都有好幾款，炸咖哩角、春卷、沙爹魚蛋、薑醋、炒飯等都有，生食都係一般食品啦，丸類、蔬菜、魷魚、生腸……都任你自己取，還有一些要點的才有，包括肉類、魚類等等……免費鍋底又有三款，我通常叫清湯豆腐湯，再在外面自取番茄同薯仔，再點些魚頭等，做成自家制湯底，真係一流。當然128，你唔可能有好大期望，但肯定吃得飽，選擇亦唔少，臨完場還可再自取雪糕，想點呀？無得投訴啦係咪？去了幾次都沒有影相，因為任飲任食呢D環節，通常係比較忙，抱歉。