Video
Read full review
2018-07-29
1295 views
媽媽話今晚屋企作客，想斬啲料返屋企。難得嚟到深水埗，緊係唔可以空手而回😁見到兩間舖位大大隻字寫住快 靚 正，仲要望落非常之乾淨企理，一於黎加料😎位置一啲唔難搵，大大個紅色牌寫住快靚正，黎到佢哋門口，首先梗係睇下有啲咩料岩食😁仲可以跟飯食！但唔好諗住佢哋只係得燒味食呀！其實佢哋仲有其他早餐常餐湯麵等等😎所以選擇真係非常之多，一間茶餐廳絕對可以滿足到你所有嘅願望❤️而且對於一間有14年老字號嘅燒味店，竟然可以接受支付寶。呢個服務其實真係好方便，所以真係唔好睇小佢哋，以為係一啲好舊式嘅餐廳，冇乜特別。其實店主佢哋都非常之緊貼呢個市場動態，盡量令食客食得開心又方便😎睇見都流口水唔講咁多喇，一於黎睇下我叫左咩食❤️燒腩仔💝外皮十分之香脆可口，而且肥瘦適中。呢個價錢有成一大盒咁多，真係非常之抵食㗎！配上佢哋嘅芥末醬，更加惹味❤️ 同埋拎到返屋企記得一定要開盒蓋等佢通風，如果唔係啲倒汗水會滴濕燒腩仔嘅皮，就會唔香脆㗎啦😎燒鵝💓首先佢真係鵝嚟㗎！因為試過幾次係其他到買返黎變左鴨脷😭而呢隻鵝味香濃，亦都肥瘦適中， 薄薄既鵝皮加上嫩滑嘅鵝肉用黎送飯一流😋😋油雞💝切雞💝可能今日唔係好舒服，所以兩隻雞嘅味道都差唔多
位置一啲唔難搵，大大個紅色牌寫住快靚正，黎到佢哋門口，首先梗係睇下有啲咩料岩食😁
仲可以跟飯食！但唔好諗住佢哋只係得燒味食呀！其實佢哋仲有其他早餐常餐湯麵等等😎所以選擇真係非常之多，一間茶餐廳絕對可以滿足到你所有嘅願望❤️
而且對於一間有14年老字號嘅燒味店，竟然可以接受支付寶。呢個服務其實真係好方便，所以真係唔好睇小佢哋，以為係一啲好舊式嘅餐廳，冇乜特別。其實店主佢哋都非常之緊貼呢個市場動態，盡量令食客食得開心又方便😎
睇見都流口水唔講咁多喇，一於黎睇下我叫左咩食❤️
燒腩仔💝
外皮十分之香脆可口，而且肥瘦適中。呢個價錢有成一大盒咁多，真係非常之抵食㗎！配上佢哋嘅芥末醬，更加惹味❤️ 同埋拎到返屋企記得一定要開盒蓋等佢通風，如果唔係啲倒汗水會滴濕燒腩仔嘅皮，就會唔香脆㗎啦😎
燒鵝💓
首先佢真係鵝嚟㗎！因為試過幾次係其他到買返黎變左鴨脷😭而呢隻鵝味香濃，亦都肥瘦適中， 薄薄既鵝皮加上嫩滑嘅鵝肉用黎送飯一流😋😋
油雞💝切雞💝
可能今日唔係好舒服，所以兩隻雞嘅味道都差唔多🤫 但其實油雞嘅味係濃啲嘅，唔使點醬就咁食都已經好夠味！而我好鍾意佢哋嘅雞夠曬嫩滑。不過留意番，因為而家嘅天氣真係好熱，返到屋企最好唔好擺喺個盒入面焗住，要倒出嚟，如果唔係好易變壞㗎😊
滑嫩嘅雞脾同埋雞肉，而且分量又係完勝，真係好抵食㗎👍
而咁多樣嘢，我就最鍾意食個燒腩仔，因為拎到返屋企，外皮依然咁香脆😍😍 同埋呢間餐廳嘅哥哥姐姐都非常之好服務好招呼， 下次一於黎試下其他燒味先🤫
Post
