味雷 (Closed)

太安樓一向多野食，今日下午過黎買晚餐餸既時候順便黎掃下街。呢間味雷之前夜晚經過對佢既紫菜包飯好感興趣，可惜每次都賣曬，今次就比佢鋪頭既船麵吸引住，所以叫左碗細既黎試下船麵（小）$15雖然係細，但個份量都算大，而且好足料，入面有豬肉丸、豆卜、豬肉片、豬油渣、芽菜等等。豬肉丸好味，豬油渣夠曬香。我揀左金邊粉，份量絕對唔係一啖食曬個d。湯底酸酸辣辣，好有泰式風味，而且湯底夠濃，我差d飲曬成個湯啊！15蚊可以食到咁多野真係超值！