朗益燒味工房

Open Now

Now Closed

16蚊飯盒推廣好似幾成功前幾個星期系IG 睇到深水埗燒臘大哥大朗益殺入荃灣同地頭蟲林記打對台，一盒燒臘飯16蚊，上次經過條16蚊飯盒龍太長，真系斬料的客人就吾多，今次剛剛相反，可能市場營銷策略好似開始有D 成效。先比錢（一定現金），比個籌你，大概等左5分鐘就有，16蚊單拼雙拼都得。打開飯盒，肉肯定比以前唐X興（$18-22）多，叫左個肥叉燒鴨飯- 肥叉吾系太肥，有小小燶邊，但吾”鞋”同有咬口，味道幾好- 燒鴨系鴨翼，但吾靱吾硬，皮小小脆，肉吾系死鹹，起碼感覺比昨天去中環鏞X燒鵝更好，吾系話哩度好好，系因為鏞X真系太差。- 飯好似有好小部分吾知道系飯煲邊定系生米，硬硬地- 鼓油味就正常啦，甜甜地。林記哩個地膽，一個楊屋道街市附近都起碼5,6間分店，之前真系大大件味道都勉強可以，但哩幾個月本來30蚊斬定一舊舊的燒肉起碼細左1/4,鋪頭又舊，現在有同級別對手，如果又好味又平又好，佢都幾頭痛。