Cat tune (Closed)

有無諗過食晏都有10幾隻貓貓同一大堆漫畫陪你？今日我地就揀左位於北角地鐵站隔離既Cat Tune~ 值得一讚既真係呢間店既一位年輕店員，佢好細心講解每個玩貓貓要注意既事項同埋客人既需的，有貓貓之餘仲有咁好既服務，抵讚！有16隻貓貓，實在影唔晒～～～～入返正題😋 店既飲品名都係由負責人諗，配合返cafe 有既漫畫卡通改～飲品係特別調教，名字都好得意，我地就分別點左《軍曹叔叔-單叫$38》同《多啦美-單叫$38》嚟試下：《多啦美》係用椰奶，香蕉，朱古力等做成奶昔效果，唔太甜，味道夾得黎會令人想繼續飲落去～《軍曹叔叔》係健康之選，因為係用檸檬同青瓜打成。檸檬唔會太酸，岩岩好，青瓜汁好清甜，兩者味道好夾～最想推介係呢份肉桂卷，入面夾滿柚子肉，出面灑滿肉桂粉，本人唔太好肉桂，但呢個食入口好香脆，咬落去啖啖肉！ 一份真係唔夠食！店既粟米湯好好飲，店員介紹係日本直送，味道香濃，好重牛奶味。煙三文魚牛角包焗得香脆，入面夾埋有蕃茄片。蛋沙律三文治，入面有蛋白碎、火腿配沙律醬，都飽肚架。小食拼盤，選左魚柳、薯餅同炸燒賣，醬汁選左沙律醬, 簡簡單單都唔錯。呢度環境舒適，上嚟抖抖、同貓貓玩下、睇下漫畫食下野飲