日本料理とん勝 (Closed)

呢間日本餐廳並唔起眼，門口好窄，只得一本餐牌，仲要係地牢。不過當時餐牌展示咗呢碗北海道小樽海鮮丼，非常吸引，所以就入咗去啦！呢碗海鮮丼並無令我失望，雖然價錢有啲貴，但質素好高，每款刺身都好鮮甜，尤其是係吞拿魚，入口是超級香，海膽同魚子份量亦好足夠，咁多款刺身入面，我覺得三文魚未夠油香，其他都超正！同埋佢個醋飯粒粒都非常飽滿，口感煙軔。另外餐牌以外仲有一個拉麵吉列豬扒飯套餐，只是$168就已經有拉麵，吉列豬扒，沙律，茶碗蒸，芝麻。佢嘅拉麵可以選擇豬骨湯同鹽味，最後我就揀咗鹽味。佢個湯底加左柚子，咸得來好清香，麵質彈牙，清爽唔肥膩。而佢嘅吉列豬扒皮薄酥脆，豬肉厚實多汁，灑上芝麻之後超級惹味！