Video
Read full review
2017-05-18
99 views
浸會醫院呢呢個地方令到我記得一件舊事，我記得嗰日我個肚好痛，第三日忍唔住落去睇醫生，睇開嘅醫生好驚慌，佢問我你知唔知你自己膽管發炎，一個正常嘅人係唔會忍得到多過六個鐘。立即簽紙安排我入院。我呢啲窮等人家當然唔會打算去睇私家，留院兩三日，都仲未肯去斷症，折騰左兩日決定出院，返返去自己睇開個間醫生，醫生令令頭咁同我講，唯有用我嘅方法幫你醫好佢。同一時間，請咗兩日假嘅我受到當時嘅上司嘅責備，成日就俾說話我聽，同老闆講我詐病。。。當然呢位老闆絕對知道我唔係咁，佢亦都知道我病得好嚴重。最後佢竟然安排左自己嘅私家醫生，帶我嚟到呢一度做過最仔細嘅檢查。其實非親非故，一個老闆願意咁樣幫你真係唔容易，我好記得嗰日出院，老闆唔用車叫司機接我車我返到屋企。我離開咗公司唔經唔覺已經就嚟三年，三年以來我地都繼續有聯絡出街食飯，帶我去見識更多。其實呢件事已經唔講係唔會記得嘅，今次嚟到金記又令我勾起呢啲回憶。因為就係響浸會醫院隔離。裝修很有舊式電影院嘅感覺，暫時來講覺得呢一間嘅裝修最靚。留意番呢度真係食到九點都仲爆場。同朋友兩個點左一個小菜一份三文治一件西多。小菜係我已是最鍾意食嘅菜脯肉鬆煎蛋，我嫲嫲都好鍾意食，所
我呢啲窮等人家當然唔會打算去睇私家，留院兩三日，都仲未肯去斷症，折騰左兩日決定出院，返返去自己睇開個間醫生，醫生令令頭咁同我講，唯有用我嘅方法幫你醫好佢。
同一時間，請咗兩日假嘅我受到當時嘅上司嘅責備，成日就俾說話我聽，同老闆講我詐病。。。當然呢位老闆絕對知道我唔係咁，佢亦都知道我病得好嚴重。最後佢竟然安排左自己嘅私家醫生，帶我嚟到呢一度做過最仔細嘅檢查。
其實非親非故，一個老闆願意咁樣幫你真係唔容易，我好記得嗰日出院，老闆唔用車叫司機接我車我返到屋企。
我離開咗公司唔經唔覺已經就嚟三年，三年以來我地都繼續有聯絡出街食飯，帶我去見識更多。
其實呢件事已經唔講係唔會記得嘅，今次嚟到金記又令我勾起呢啲回憶。因為就係響浸會醫院隔離。裝修很有舊式電影院嘅感覺，暫時來講覺得呢一間嘅裝修最靚。留意番呢度真係食到九點都仲爆場。
同朋友兩個點左一個小菜一份三文治一件西多。
小菜係我已是最鍾意食嘅菜脯肉鬆煎蛋，我嫲嫲都好鍾意食，所以以前成日整，可惜嘅係呢幾個月已經冇再整。因為無人送d 靚菜脯比我地囉！！
呢度嘅菜脯煎蛋，真係有嗰種爽脆嘅口感，唔需要太多嘅肉碎只係調一調味，啲蛋唔會太老，成件事簡單又好味，咩都唔使點即刻送到半碗飯。
朋友問過我點解永遠都係只會點鹹牛肉炒蛋三文治，我嘅答案就係因為其他嘢我都識整囉，唯獨是我唔知係邊度買到鹹牛肉，所以必點。
即叫即炒，熱辣辣，麵包鬆軟，烘底之後外脆內軟，更正！
我覺得金記嘅西多士真係每一間都可以keep得住個水準，西多士同樣即叫即炸，夜晚都有得食，從來都唔鍾意食花生醬嘅我，唯獨是裕興同食西多士先會吃，西多士裏便嘅係粗粒花生醬有口感就同外邊鬆軟感覺形成強烈對比。好食到呢 ~
我知道老闆你每年都會嚟做身體檢查，好想過兩日同你地講不如下次過嚟食件西多士先返公司，雖然你唔會睇到呢篇食評不過我都希望你生意興隆興隆唔重要，最重要係身體健康，帶我食好嘢食多20年。
Post
