18樓雞煲火鍋專門店

Open Now

Now Closed

之前食過荃灣店，但旺角店嘅裝修比荃灣店有特色。旺角店用唔同嘅舊式招牌模仿昔日嘅香港，好有懷舊嘅味道。今次都係套餐A，兩款牛肉各有特色，雪花肥牛牛味較濃，特級肥牛油脂較多較香。除咗牛肉外，套餐已包多款嘅肉類、丸類同海鮮，性價比高！ 餐廳係半自助形式，蔬菜、醬料、飲品、甜品都係要自己出去拎。雞煲揀咗微辣而且好快就送到，稍為煮一煮，就可以食用，唔急嘅可以煮多一陣，越煮味道越濃，而且雞肉一啲都唔老，味道帶少少麻辣，十分惹味。食完個雞煲就可以加湯打邊爐。用QR code落單，好方便，Apps入面嘅打邊爐配料都有好多選擇，肥牛、豚肉、羊肉、花膠、鮮蝦、墨魚滑、墨魚丸、魷魚、金菇、冬瓜、白鱔片、自家製響鈴、豆腐、小蟶子、魚肉等等…除左牛肉之外, 每樣火鍋料嚟嘅份量都比較少但放心可以不段重複咁落order。食到最後，可以出去自製雪糕。雪糕有原味乳酪同朱古力，旁邊有幾款配料同椰果可以比你加落去，增加雪糕嘅口感同風味。