為食仔卜卜蜆私房菜 (Closed)

今晚想食蜆煲，無意中搵到呢間新店，就同老公試試。我地叫咗18禁卜卜蜆煲，另外加咗支竹，薯仔片，窩荀同墨魚膠。店員先上蜆煲，因為第一次食，就先試試小辣，估唔到真係唔太辣，所以最後都請店員幫忙加辣。湯底都ok, 蜆份量都幾多，有大有細。新張期有優惠，首半小時可以免費追加蜆，幾正。我地追加咗一次，跟住先食其他食物。墨魚膠味道好好，又夠彈牙，好味。湯底好，所以配薯仔，窩荀都無問題，而且份量都幾大，又唔太貴，抵食。店員服務唔錯，但就無留意我用咗openrice訂座，我到咗，佢都唔太明我講咩訂位，希望店員多留意。