Video
Read full review
2022-07-13
59 views
今日約咗個好耐冇見嘅舊同事嚟到旺角創興廣場18樓，心水清嘅朋友就知道又食18樓雞煲喇🙊上年食過荃灣分店一次，今次睇到旺角店喺裝修方面更加有特色，因為內裡用咗啲舊式招牌，模仿舊時香港嘅場景🇭🇰仲有啲霓虹燈牌，裝修風格幾有心思😬食雞煲有A、B、C餐可以選擇，分別在於可以食到更加多唔同種類嘅肉類、海鮮🍥我哋今日主要食下雞煲同埋吹下水，所以就揀咗A餐~坐低冇幾分鐘，店員已經好快手咁捧上香噴噴嘅雞煲喇😍上枱之後再煮多陣就可以食，雞肉嘅肉質好嫩滑，醬料惹味😋雞煲最緊要係醬汁、雞件，呢度兩樣都做到水準以上，唔怪得呢晚係平日都咁多人幫襯啦！肥牛幾靚仔，我哋總共叫咗佢幾round，牛肉嘅質素對得住呢個價錢有餘！👍除咗雞煲之外，其他配料全部用QR Code就可以落單，食咗好多海鮮同埋丸類😆餐廳有大大個雪櫃，擺咗好多種菜類可以俾客人自取👍我食雞煲特別鍾意食菜，因為食菜可以索埋雞煲啲香辣醬汁，食落就更加吸引😋自家製冬瓜茶呢度除咗提供最大路、最基本嘅汽水飲品之外，仲有自家製嘅冬瓜茶，喺汽水以外有啲新選擇🤣抹茶雪糕原本打邊爐已經食到好飽，不過見到有雪糕機就心動了，即刻整返杯雪糕過下癮，側邊仲有toppings可以
食雞煲有A、B、C餐可以選擇，分別在於可以食到更加多唔同種類嘅肉類、海鮮🍥我哋今日主要食下雞煲同埋吹下水，所以就揀咗A餐~
坐低冇幾分鐘，店員已經好快手咁捧上香噴噴嘅雞煲喇😍上枱之後再煮多陣就可以食，雞肉嘅肉質好嫩滑，醬料惹味😋雞煲最緊要係醬汁、雞件，呢度兩樣都做到水準以上，唔怪得呢晚係平日都咁多人幫襯啦！
肥牛幾靚仔，我哋總共叫咗佢幾round，牛肉嘅質素對得住呢個價錢有餘！👍
除咗雞煲之外，其他配料全部用QR Code就可以落單，食咗好多海鮮同埋丸類😆
餐廳有大大個雪櫃，擺咗好多種菜類可以俾客人自取👍我食雞煲特別鍾意食菜，因為食菜可以索埋雞煲啲香辣醬汁，食落就更加吸引😋
自家製冬瓜茶
呢度除咗提供最大路、最基本嘅汽水飲品之外，仲有自家製嘅冬瓜茶，喺汽水以外有啲新選擇🤣
抹茶雪糕
原本打邊爐已經食到好飽，不過見到有雪糕機就心動了，即刻整返杯雪糕過下癮，側邊仲有toppings可以落！
呢個價位，喺旺角鬧市食雞煲打邊爐，算係幾抵食👍雖然晚市嘅人流好旺，不過店員上菜、收碟速度好快👍
Post
