德福閣

今日去左旺角仕德福酒店食自助午餐，地方不算大，但坐得舒適，服務都幾好。逢星一至五成人/長者/小童每位都係$188，如有優惠券仲有9折。每位食客奉送4隻生蠔，都幾大隻，又新鮮。可惜沒有刺身，但有壽司。凍食海鮮有蝦，肉質不錯。熱食海鮮有蒸魚柳，好滑。小籠包的水準也不錯。甜品方面除了有幾款蛋糕選擇，還有鮮果朱古力噴泉、芒果布丁、泡芙、 椰汁糕、芝麻糊、雪糕……選擇也不少。飲品有橙汁、咖啡、奶茶、柑桔綠茶，可隨意添飲。以$188這個價錢食到咁嘅質素嘅自助餐，真係幾抵㗎。