Starry Night (Closed)

放工之後想同朋友搵個地方chill 下，傾下計，又想食海鮮，搵到位於銅鑼灣The Zing!16樓嘅Starry Night ！雖然係樓上鋪，但係位置都好容易搵到，喺時代廣場行過去都唔使5分鐘嘅路程。一開lift 門就已經係餐廳，有卡位，有吧枱，我地就揀咗吧枱。經過侍應嘅介紹之後，我哋就揀咗120分鐘（ $468 ）嘅任食生蠔餐。$468除咗可以任食生蠔之外，仲可以揀一個主菜（西冷牛扒、紐西蘭羊架、卡邦尼意粉），伴隨主菜仲有黑糖麵包、海鮮忌廉湯、煙三文魚前菜，好豐富！主菜我哋揀咗西冷牛扒，五成熟。牛扒份量多，煎到好香，肉厚粉嫩而且多汁，值得一讚！另外一款主菜，我哋就揀咗卡邦尼意粉，原本對意粉冇咩期望，點知食落有驚喜。麵條有咬口，唔會過淋，而且個汁好creamy ，加上煙肉嘅鹹香，配合得恰到好處！到咗今晚嘅主角「蠔」，生蠔拼盤包括有兩款蠔（愛爾蘭生蠔、法國生蠔）、螺、凍蝦愛爾蘭生蠔、法國生蠔！日本生蠔：蠔味夠濃，有淡淡海水味，帶子位極鮮甜，細膩的口感，入口回甘！法國生蠔：被譽為生蠔界中嘅勞斯萊斯，肉質肥厚，口感爽脆鮮甜而且結實有彈性！餐廳處理生蠔10分乾淨，以前食生蠔好怕會肚痛，但係今次