一風堂 (希慎廣場) (Closed)

應該是第三或四次食一風堂，希慎店說是新開，便來試試。友人剛旅行回來約食飯，之前選的餐廳一間被包場，另一間有些遠，簡單的在商場內會好些。加上我對某些食物過敏，都係食穩陣的好些。希慎的店幾舒服，加上人不多，不用趕住交枱。每次到拉麵店，我除了食物，都會欣賞餐牌的設計，設計花心思，對食物會有期待。今天叫了白玉同赤玉，麵質那些都有得揀，不過有選擇障礙的我，都會揀番中等、普通呢d選擇。我認為，一碗麵的組成，係應該由師傅去決定，怎樣的麵條硬度才適合湯底，師傅才會知道。平常會揀辣的我今日揀了原味，豬骨湯飲落有些膠，如果有味道得黎而要夠清，呢個要求我睇黎有d難。餃子反而喜出望外，包著的餡料肉汁充足，下次來我會再叫。說到$2的誘惑，是這店+$2就有替玉，即係追加拉麵，不過要留力食甜品，所以沒有加。其實麵都算夠食，對大胃王那些就要+$2了。店員亦細心解釋，如果要追加麵就唔好飲晒d湯，服務值得俾個like。除了這些，那個叉燒就普通啦，唔難食又唔算好好食。而枱上有個餐具唔識用，店員解釋係用黎整蒜蓉，不過就要幾大力先整到。今餐，志不在食，志在傾偈。呢間算係個好地方。食物一般般，服務會俾讚。