Mr. Steak Buffet à la minute

Open Now

Now Closed

對上一次Mr.Steak已經係幾年前，搬咗新舖後一直想試，同老公結婚兩週年，早一個月就訂枱決定嚟呢度慶祝。餐廳設計舒適，客人無以前咁多，我哋被安排喺蠔吧對出窗口位。衛生方面無做足，午巿過後職員無將枱抹乾淨，有少少食物碎留喺枱，食物方面質素仍然高，即開生蠔由以往每位6隻變3隻，熟食款式多咗，整體滿意。沙律吧選擇不少。即開生蠔，師傅有禮貌，每次有客人拎都會大聲講多謝晒。蠔吧無以前咁出現長龍，蠔新鮮脆口。海鮮吧有麵包蟹好多膏，涷蝦無味，青口，蟹腳味道唔錯，但無咩肉。新鮮嘅刺身每人可揀4款，壽司類精美味道好。鵝肝夠大件肥美，炒和牛充滿油香又唔會韌。羊架有少少過熟。燒三文魚壽司有啲瘦，應用魚腩，燒和牛壽司肉太薄。日本和牛壽喜燒，牛肉好滑，牛味濃，好味。各類熟食，不過不失，無驚喜。足料燉湯，清清淡淡幾好，焗酥皮湯一般。精心嘅寫字嘅心太軟蛋糕，味道普通。各類甜品，奶涷係最好味，其他中規中矩。