Burger Home (Closed)

從朋友口中得知交加里Burger Home結左業，本來都幾傷心、因為果度有素漢堡食…而且價錢亦好合理。我同朋友都成日去食、我地叫呢間店做「包包」。前排在公司附近、灣仔圖書館果條街搵到一間叫 “Burger Home 2.0”,相信係包包既化身，實在太掛住啦，一知佢開返即刻去食。 咦素食burger多左幾款wo~多左素魚柳包同埋芝士手打牛肉漢堡包,而且仲要配蜜桃醬添，咁吸引、點可以唔叫？！一個包入面居然有3大條素魚柳!!!!!!!!!!!!!!!真係夠曬抵食。個包實在大到我個口係食唔曬個包，所以我抽左一條素魚柳出黎就咁食。一撕開又真係嚇親，d纖維同真既魚柳又真係一樣樣，中間仲好Juicy添。之後再夾埋個包同其他料一齊食，發現所謂既蜜桃醬一d都唔出味、既唔酸又唔香完全食唔出用咩整。其實反而用最傳統既青瓜沙律醬仲實際…我朋友就食芝士手打牛肉漢堡包同麥樂雞，麥樂雞個醬就確係好味！入面仲有一粒粒疑似蔬菜粒，口感都幾豐富同相當開胃。繼我話素魚柳包應該改用呢個醬，事關襯煎炸野真係一流，100分呀!由於實在太好食，所以食曬D薯條都唔夠喉。佢出面有好多醬可以俾我地選擇，最基本一定係有茄汁、芥末同辣椒仔。