Video
Read full review
2019-12-25
23998 views
12:00-14:30 lunch buffet，每位$438加一，另有88折優惠。早左入座，但都係要等到12點先可以拎野食，有時間慢慢影相。2人被安排二人枱，窗邊位，都有少少景望下。食自助餐既重點：生蠔生蠔有2款：蘇格蘭(左)同美國(中右)"友人"食左15隻生蠔。2款比較，美國生蠔口感更肥美、鮮甜、重味d，蘇格蘭生蠔就淡味d。2款都好正，鮮甜美味。冷盤蟹腳：肉質ok，好有蟹味，好鮮味，喜歡，但有部份蟹腳肉質較散。冷蝦：鐘意尼到既熱蝦多過冷蝦。大青口：幾好食；藍青口麻麻。螺：無乜味，麻麻。熟食薄燒美國極黑和牛：薄切+鐵板燒+鹽調味，入口即溶，我覺得係全場最好食，食左好多份。美國極黑和牛壽喜燒：壽喜燒個汁好味，但肉質太老太熟，口感比較韌，無薄燒和牛入口即溶既感覺。蒜容粉絲蒸扇貝：扇貝蒸得剛剛好，唔會太老太韌，配埋蒜蓉粉絲同豉油無得輸，好味。和牛壽喜燒荷葉籠仔蒸蝦：好食。辣酒煮花螺：辣度適中，幾有螺味。冬菇燴鴨掌：鴨掌炆得夠腍。薑蔥生蠔：幾有蠔味，唔錯。卡邦尼意粉：意粉軟硬程度適中，幾creamy，好夠味，但其他人可能會覺得太咸。中式牛柳：似酒樓水準，幾惹味，好食。咖哩牛腩：無我預期炆到咁
早左入座，但都係要等到12點先可以拎野食，有時間慢慢影相。
2人被安排二人枱，窗邊位，都有少少景望下。
食自助餐既重點：生蠔
生蠔有2款：蘇格蘭(左)同美國(中右)
"友人"食左15隻生蠔。2款比較，美國生蠔口感更肥美、鮮甜、重味d，蘇格蘭生蠔就淡味d。2款都好正，鮮甜美味。
冷盤
蟹腳：肉質ok，好有蟹味，好鮮味，喜歡，但有部份蟹腳肉質較散。
冷蝦：鐘意尼到既熱蝦多過冷蝦。
大青口：幾好食；藍青口麻麻。
螺：無乜味，麻麻。
熟食
薄燒美國極黑和牛：薄切+鐵板燒+鹽調味，入口即溶，我覺得係全場最好食，食左好多份。
美國極黑和牛壽喜燒：壽喜燒個汁好味，但肉質太老太熟，口感比較韌，無薄燒和牛入口即溶既感覺。
蒜容粉絲蒸扇貝：扇貝蒸得剛剛好，唔會太老太韌，配埋蒜蓉粉絲同豉油無得輸，好味。
和牛壽喜燒
荷葉籠仔蒸蝦：好食。
辣酒煮花螺：辣度適中，幾有螺味。
冬菇燴鴨掌：鴨掌炆得夠腍。
薑蔥生蠔：幾有蠔味，唔錯。
卡邦尼意粉：意粉軟硬程度適中，幾creamy，好夠味，但其他人可能會覺得太咸。
中式牛柳：似酒樓水準，幾惹味，好食。
咖哩牛腩：無我預期炆到咁腍，口感差d，辣度都幾辣。
咕嚕肉：炸粉太多，麻麻。
燒牛肉、羊架：口感偏硬，唔好食。
黑豚肉：ok。
蟲草花燉湯：湯好入味，但成盅飲哂就會好膩。
甜品
心太軟：朱古力蛋糕好軟熟，朱古力漿超流心，兩者加埋實在太好味，非常滿足！如果可以食多幾個就好。
註：lunch 13:15出爐，記得提前寫定紙仔傳遞心意
有Haagen-daz同Movenpick雪糕，見到2個牌子既牌，就先入為主以為全部雪糕一係Haagendaz一係Movenpick，但食左曲奇味之後，相信無牌既就2個牌子都唔係，味道同口感非常麻麻。Haagendaz朱古力雪糕照舊好味。
註：上圖係開始前影既，正式開始後，所有味道都有得拎。
豆腐花：唔夠滑，口感比較鞋，一般。
大菜糕：比較少係甜品類見到，中間帶有蛋花，甜度適中，我喜歡。
杞子桂花糕：正常。
飲品
有凍紅茶、青檸汁、蘋果汁、美綠、柑桔綠茶、咖啡機，茶包等等。
西式自己加糖既凍檸檬茶係唔夠港式茶餐廳咁甜，青檸汁、蘋果汁我又麻麻，所以飲品方面係唔太岩我口味。
整體食物水準都唔錯，絕對係我地最鐘意既自助餐之一。
(個人口味S: 3.8/5)
(個人口味E: 4/5)
另外仲有刺身、壽司、沙律、炸魚薯條、海南雞、豬腳薑醋等等無食到。
Other Info. :
- Lunch比晚市第二時段平$1xx/位，訂座時問過待應，lunch buffet同第二時段食物相同，係少左麵包蟹、龍蝦、日本和牛，可以根據個人喜好決定食邊個時段
- 以前食過晚市第二時段係有蟶子，可能lunch係得扇貝無蟶子?
- 部份侍應心情好似麻麻，開朗d俾多d笑容會更好
(The above review is the personal opinion of a user which does not represent OpenRice's point of view.)
Post
