天龍海鮮火鍋 (Closed)

見到有手機軟件做半價，就同朋友去試吓。朋友先去到攞位，侍應用譚仔廣東話講邊啲有半價邊啲冇，例如鍋底、海鮮、牛肉同飲品就無。見到都OK所以就落單，落單嘅時候佢地不停推銷海鮮，我心諗點解佢要推銷一樣冇特價嘅嘢呢？食物嘅質素都非常參差，豬肉同羊肉上枱嘅時候好明顯已經喺雪櫃放到乾晒，普通超級市場貨仔俾佢mark up四陪到六倍。鍋底其實好OK，醉雞真係好有酒味，手打丸味道都好出色，響鈴係鮮炸嘅。只不過係價錢同份量完全不成正比，本身佢買$78雲吞，上枱得四粒，如果冇特價我相信真係唔會食。就算特價，旺角花園街貨仔$10一粒雲吞都非常過分。唔計錢就合理，睇埋價錢個心都離一離。