Video
Read full review
2017-06-04
585 views
依間鋪頭真係成長回憶。好記得小學到中學嘅時候，成日扭計要媽咪買外賣俾我，嗰陣時最鍾意就係要佢個炸醬麵，好記得佢個炸醬麵係橙色甜甜嘅，10幾蚊一碗，包一碗湯。由媽咪屋企行去，其實都要15分鐘以上媽咪真係好錫我自從入大學住宿舍之後一直到而家10幾年都冇食過。搬咗返大埔都兩年幾，自己屋企行過去其實只需要2-4分鐘，最多都係試過買佢啲生餃打邊爐。今日去大元邨街市買開餸，心血來潮就想食返。不過而家甜甜地就唔係太啱我，所以就叫咗個芥蘭同墨丸魚皮餃麵。兩樣野加埋先至係＄38好抵！（佢冇單架，落時阿姐大叫，埋單就自己行去櫃檯，收銀望一望就知你食咗幾多錢，以前食面嘅感覺又係返晒來)雖然貴過以前好多，但相對其他粉面店佢依然好平，出邊個面一定過＄30啦。其實本身就冇乜期望，只係想念舊，因為佢裝修同當年都係一樣。面上到嚟都係好平實個樣…點知一飲個湯底…哇我細個真係唔識野！大地魚湯黎喎！仲有蝦子味，絕對唔係味精底！面上邊嗰啲唔係只係葱，仲有韮黃啊！竟然冇因為成本問題減咗呢樣野。連我自己都唔記得咗究竟幾耐未見過湯麵有韮黃！同細個食開嘅雲吞麵係一樣架！今時今日人工又貴租又貴，食材成本都貴，依間鋪頭仲可以做到咁耐，我
好記得小學到中學嘅時候，成日扭計要媽咪買外賣俾我，嗰陣時最鍾意就係要佢個炸醬麵，好記得佢個炸醬麵係橙色甜甜嘅，10幾蚊一碗，包一碗湯。由媽咪屋企行去，其實都要15分鐘以上
媽咪真係好錫我
自從入大學住宿舍之後一直到而家10幾年都冇食過。搬咗返大埔都兩年幾，自己屋企行過去其實只需要2-4分鐘，最多都係試過買佢啲生餃打邊爐。今日去大元邨街市買開餸，心血來潮就想食返。
不過而家甜甜地就唔係太啱我，所以就叫咗個芥蘭
同墨丸魚皮餃麵。兩樣野加埋先至係＄38好抵！（佢冇單架，落時阿姐大叫，埋單就自己行去櫃檯，收銀望一望就知你食咗幾多錢，以前食面嘅感覺又係返晒來)雖然貴過以前好多，但相對其他粉面店佢依然好平，出邊個面一定過＄30啦。
其實本身就冇乜期望，只係想念舊，因為佢裝修同當年都係一樣。
面上到嚟都係好平實個樣…點知一飲個湯底…哇我細個真係唔識野！大地魚湯黎喎！仲有蝦子味，絕對唔係味精底！
38 views
0 likes
0 comments
面上邊嗰啲唔係只係葱，仲有韮黃啊！竟然冇因為成本問題減咗呢樣野。連我自己都唔記得咗究竟幾耐未見過湯麵有韮黃！同細個食開嘅雲吞麵係一樣架！
今時今日人工又貴租又貴，食材成本都貴，依間鋪頭仲可以做到咁耐，我估個老闆一定係好聰明當年買咗鋪，而且對出品有一定要求，又念舊照顧到啲街坊！雖然未見過老闆，但我相信佢應該係一個好人黎。
講番啲嘢食先，雖然而家唔係芥蘭當做嘅時間，但依然幾甜冇渣。
墨魚丸唔係好彈牙果種，但墨魚味濃，而且仲食到一粒一粒嘅墨魚，依然有𡁻頭。
魚皮餃就好真材實料，平時自己都會買去打邊爐，個皮好香滑，入面嘅肉新鮮多汁！加埋個湯底，性價比好高。面煮得都彈牙，雖然有少少鹼水味，但係個湯底補返好多分。
又好食又抵食！我真係好嬲我自己，點解自己咁耐先返嚟食架！
Post
