Chin Chin Thai Cuisine (康怡廣場) (Closed)

有好一段時間都冇同朋友去康怡食飯聚會又想食返濃味少少嘅菜式 泰國菜係一個不二之選我哋依一日係星期六嘅下午茶時段，唔使等位我哋就可以直接入座。餐廳嘅環境乾淨、寬敞，唔會有好迫迫夾夾嘅感覺，啱晒我哋傾吓計、見吓面。我哋三人行叫咗兩個主菜加配兩個小菜，份量啱啱好！🍽泰式鮮蝦炒金邊粉($88)同平時係坊間食嘅金邊粉冇好大分別，酸酸甜甜，好開胃😋蝦好爽口，份量亦好足料。再加埋青檸仔汁，即刻係另一個感覺。鐘意泰式金邊粉嘅朋友，可以試下。🍽清邁青咖喱雜菜配絲苗白飯($88)聽個名覺得會好似齋齋地，但其實佢好creamy好濃椰汁椰奶味。入面有唔同嘅蔬菜，西蘭花、椰菜花、洋蔥、各種嘅菇。所以平衡返，等自己罪惡感冇咁大。佢個青咖喱送飯一流，唔鐘意食菜嘅朋友都可以試下。🥣鮮蝦冬陰功湯($32)餐牌寫咗係一人份量，但其實份量都唔少。但佢真係太咸!!!咸到好似食緊鹽。🥘馬拉盞炒通菜($28)依個炒通菜好抵，雖然佢係加配嘅一個小菜，28蚊依個份量係出面真係未必搵到。而且佢嘅味道一啲唔求其。絕對要加配！！總括而言，係一間我會encore嘅一間泰國餐廳。