Colour Brown (Moved) New Location

响牛頭角下邨飽吃一頓之後，本來嘅計劃係打道回府，不過筆者見與太座食得咁飽，就咁番屋企好似唔係咁健康，於是決定到西貢散吓步，順便約madam出嚟歎一歎咖啡。這小咖啡店之前筆者已幫襯過，地方雖少，不過毫不馬虎。店舖以半開放式經營，外面擺幾張枱仔，方便愛狗人士。門口仲有一隻招財犬，識得用前腿向人「恭喜、恭喜」，十分得意。據說這裡嘅咖啡係自家烘培嘅，糕點亦是不假外求。筆者點了一個下午茶餐，包括一塊藍莓芝士蛋糕及一杯普通咖啡。咖啡十分香濃，味道甘香而不澀，小呷一口精神已為之一振，濃濃嘅咖啡亦幫助消除之前食嘢後嘅飽滯感。芝士蛋糕味道不太甜，感覺頗清新，可惜唔係餅底，否則效果更好。一份下午茶餐三十二蚊，再加上難得的閒情，與友人及太座談天說地，一樂也。