八番拉麵 (Closed)

受金融海嘯影響，市面嘅消費意慾轉趨疲弱。一啲平時冇乜人氣嘅食飯聚腳點，都忽然熱鬧起來，响筆者家附近嘅港運城美食廣場亦不是例外。是日筆者就在這裡其中一間日式拉麵店醫肚。據店舖宣傳介紹，此店在日本有百多間分店，在香港也有六間。一份拉麵套餐除拉麵之外，還可選一款小吃及一杯飲品。原價只係四十八蚊，仲加上九折優惠，實收四十三個二，真係平到爛。呢一個價錢，亦不能有什麼期望。筆者嘅套餐有吉列豬扒拉麵及日式炒飯，先講豬扒，挾起豬扒一看，吸油紙有一灘黃色嘅油，觀感先打了折扣，一份完美嘅吉列豬扒應經過高熱滾油將油份迫番出嚟。咬入口麵漿表層炸得比較硬身，豬扒肉質還能保持，當然品質亦不是很好；麵條煮得比較差，好像公仔麵碌得半生熟，麵餅應碌開而未完全開，要用筷子搖晃幾吓先能進食，麵條本身亦沒有彈性。選了豬骨湯底，味道不濃，豬骨清甜味不彰；炒飯不是炒得一粒粒，不過出奇地香口，如果味道能夠淡一點更好(筆者不排除下了味精，但吃後冇不良反應)。味道不過已已，但看在這個價錢，總體評分都可以拉番個「ok」。