輕鬆飲 (Closed)

食完出色點心之後，太座帶筆者到登打士街一帶品嚐台式飲料。原本嘅目標係「貢茶」，不過輪候嘅人實在太多，於是轉戰附近嘅「輕鬆飲」。筆者對台式飲料較為陌生，只點了最簡單嘅茉莉奶茶。店員問加大珍珠或是細珍珠，筆者表示要大珍珠。一看收據，原來大珍珠又稱為「波霸」，個名真係語不驚人誓不休。又見職員在舖內忙得團團轉，以人力搖勻奶茶。宜家唔係有攪拌機代勞嗎？何用那麼費時失事。奶茶味道十分甜，並不是筆者所好。珍珠煙韌，十分有咬口，而且味帶微甜，不是其他新式珍珠般有咬口但冇味，食落都幾過癮。一杯原價十二蚊，加「波霸」要兩蚊。建議不要在飽肚時食，如果唔係都幾滯肚。