Video
Read full review
2009-09-27
66 views
星期五，又是一大班人一齊食飯嘅日子。地點係鯉景灣嘅「中意坊」。之前與太座都幫襯過一次，其五光十色嘅甜品選擇令人難忘．在談論食物質素之前，先談其服務，有幾樣令筆者不吐不快。大夥兒訂了七點半嘅座位，眾人皆準時到達。一行七個人，需要合併一張四人枱及一張兩人枱。現場所見，只有一、兩枱客，但偏偏被安排在一張四人枱，隔離嘅兩人枱還有客人食緊甜品。大家係唔介意等一等的，豈料服務員對我地講坐住先，隔離嘅客人知道七點半要還枱。唔知道隔離枱嘅客人聽到之後有什麼感覺，但一定不好受。友人中有新生女兒，大約一嵗大。小朋友，坐唔定係經常都會發生的。小朋友對餐牌十分好奇，拿來把玩一番。怎料有一位相信係老闆娘嘅人前來勸告，叫友人唔好讓其女兒把玩餐牌，以免整皺了。因為餐牌十分珍貴，冇得替換。餐牌是用普通顏色紙用電腦打印後過了膠的，大人要弄皺它都要費一番功夫，何況是小朋友？其次係就算真的被弄皺了，可以再印一次，所費亦無幾吧！部份服務員嘅態度過份熱情，變得有點矯枉造作。為了強調食品嘅獨特性，用了不少形容詞。如一碟鹽焗雞，聲稱用了法國嘅海鹽、龍崗嘅走地雞，還有不知什麼地方嘅油諸如此類。食材來源地實是無從考究，但好似誇張咗一點
大夥兒訂了七點半嘅座位，眾人皆準時到達。一行七個人，需要合併一張四人枱及一張兩人枱。現場所見，只有一、兩枱客，但偏偏被安排在一張四人枱，隔離嘅兩人枱還有客人食緊甜品。大家係唔介意等一等的，豈料服務員對我地講坐住先，隔離嘅客人知道七點半要還枱。唔知道隔離枱嘅客人聽到之後有什麼感覺，但一定不好受。
友人中有新生女兒，大約一嵗大。小朋友，坐唔定係經常都會發生的。小朋友對餐牌十分好奇，拿來把玩一番。怎料有一位相信係老闆娘嘅人前來勸告，叫友人唔好讓其女兒把玩餐牌，以免整皺了。因為餐牌十分珍貴，冇得替換。餐牌是用普通顏色紙用電腦打印後過了膠的，大人要弄皺它都要費一番功夫，何況是小朋友？其次係就算真的被弄皺了，可以再印一次，所費亦無幾吧！
部份服務員嘅態度過份熱情，變得有點矯枉造作。為了強調食品嘅獨特性，用了不少形容詞。如一碟鹽焗雞，聲稱用了法國嘅海鹽、龍崗嘅走地雞，還有不知什麼地方嘅油諸如此類。食材來源地實是無從考究，但好似誇張咗一點。加上服務員時不時逗我地講嘢，令大家嘅閒談數度被中斷，其實係幾擾人的。
說回食物了，這裡強調健康煮食，少鹽少油，份量比較少。整體上係水準以上，比如粟米斑塊嘅粟米汁很creamy，佐飯是一流的；鹽焗雞嘅雞肉也是嫩滑的。如前文所言，甜品設計可說是花過一點心思，雖然細細件，但十分精緻，味道也不錯。
由於每碟餸嘅份量少，七個人要食九碟先叫做勉強食得飽。埋單平均每人一百二十蚊，價錢還算得上便宜。友人因女兒俾人話，食得十分唔高興，不會再回頭幫襯了。筆者覺得食物質素可以，但服務真的要認真檢討及改善。
Post
