Marion Crepes (Closed)

星期四，一個重要嘅日子。是日筆者及太座透過超聲波與BB見面。BB响太座肚內健康成長，生命真神奇。BB雖然未出世，但身為未來人父嘅筆者已經知道BB嘴刁，所以做完檢查之後，要好好慰勞一下太座及BB。未有好主意，太座提議先食甜品。經過此法式夾餅專門店，被夾餅底嘅蛋香吸引了。太座叫了一份朱古力雪糕香蕉，一次過滿足食雪糕及香蕉嘅願望。夾餅果然蛋味濃郁，食落香軟美味，加上雪糕嘅冰凍，一冷一熱，極盡官能刺激。一份夾餅三十二蚊，幾大件的，是有份量嘅甜品。