Video
Read full review
2009-08-12
117 views
星期五，迎接週末，但天公並不造美。大肚婆進食諸多限制，對嗜食嘅太座無疑係被剝奪咗唔少人生樂趣，但望住腹中嘅骨肉一天天的長大，也是值得的。日本菜係太座嘅心頭好，可惜有一半以上唔啱大肚婆食。退而求其次，只好專攻熟物。「大江戶」於北角一帶係一間做得比較好嘅日本料理店，故吸引唔少日本人幫襯。店舖面積幾寬敞，既有大廳，也有兩張吧枱，分別提供魚生及鐵板燒。如要多一點私人空間的話，亦有獨立廂房提供，私隱度也不低。與太座合共點了五款不同熟物：窩仔烏冬($70)係專為太座而點的，材料也頗豐富，計有大蝦天婦羅、日式蛋卷、大蔥、冬菇等。烏冬本身粗粗的，咬落不會覺腍，有嚼勁，火喉恰到好處，配合鮮甜嘅豉油湯底(不排除有味精)，十分可口；蛋卷煮得有點老，外面一層有些鞋口，不過仍有蛋香味；大蝦天婦羅浸得有點腍，不過蝦肉也爽脆。筆者有時都會懷疑既然效果唔係咁好，點解窩仔烏冬要加大蝦天婦羅？鱈魚什菜煲($65)為孕婦提供蔬菜(即葉酸)及魚油(即阿米加3)，可惜敵不過太座漸見靈敏(甚至過敏)嘅嗅覺。除了魚肉是有一點十分極其嘅魚腥味之外，其餘材料亦無不妥，湯底也是合格的。鹽燒鯖魚($70)魚肉也算肥美，尤其是近魚腩部位魚油
「大江戶」於北角一帶係一間做得比較好嘅日本料理店，故吸引唔少日本人幫襯。店舖面積幾寬敞，既有大廳，也有兩張吧枱，分別提供魚生及鐵板燒。如要多一點私人空間的話，亦有獨立廂房提供，私隱度也不低。與太座合共點了五款不同熟物：
窩仔烏冬($70)係專為太座而點的，材料也頗豐富，計有大蝦天婦羅、日式蛋卷、大蔥、冬菇等。烏冬本身粗粗的，咬落不會覺腍，有嚼勁，火喉恰到好處，配合鮮甜嘅豉油湯底(不排除有味精)，十分可口；蛋卷煮得有點老，外面一層有些鞋口，不過仍有蛋香味；大蝦天婦羅浸得有點腍，不過蝦肉也爽脆。筆者有時都會懷疑既然效果唔係咁好，點解窩仔烏冬要加大蝦天婦羅？
鱈魚什菜煲($65)為孕婦提供蔬菜(即葉酸)及魚油(即阿米加3)，可惜敵不過太座漸見靈敏(甚至過敏)嘅嗅覺。除了魚肉是有一點十分極其嘅魚腥味之外，其餘材料亦無不妥，湯底也是合格的。
鹽燒鯖魚($70)魚肉也算肥美，尤其是近魚腩部位魚油甘香，大大蓋過本身嘅魚腥味。綜合嚟講，此店嘅魚類熟物並不是用上最新鮮嘅材料，所以只要嗅覺靈敏一點嘅話，都有可能嗅到微量魚腥味。
在太座極力游說下，筆者點了海老天婦羅卷物($80)太座除了希望一搔食卷物之癢外，飯團嘅醋酸味也令太座垂涎欲滴。以紫菜包裹著海老，外邊再包一層飯團，是美味嘅配搭。可惜其中一舊包得唔實而打開了，師傅手藝水平可想而知。
最後以什菜天婦羅($60)結尾，目的只是想知道師傅炸天婦羅嘅技術。結果係麵漿厚薄不一，油嘅溫度控制也欠完善，吸油紙上嘅油漬就是活生生嘅成績表。
雖然師傅嘅手藝及烹調技巧只屬一般，但店員嘅服務是頗貼身的。見太座是飲暖水而非綠茶，會定時自動為太座換上一杯新的暖水。烹調時間稍為耐咗啲，不問而自動報告最新情況。可能係小事一、兩樁，但筆者看在眼裡，感覺溫暖，故特此表揚。
只吃熟物而不吃魚生，價錢是想像以外嘅經濟。味道不過矣矣，但也是一試無妨嘅抵食之選。
Post
