Video
Read full review
2010-10-09
33 views
我外家就住係觀塘，平時每逢長輩生日或者過時過節，全家人都會團聚，坐埋一齊食番餐飯慶祝!而我地多數幫襯富臨，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次適逢外婆生日，咁喜慶嘅日子全家當然要聚一聚啦!最後我地一如既往嚟富臨，幫襯咗一圍酒席，質素唔錯呀!味道方面，今次12個人幫襯富華宴，味道皆唔錯!食物包括1)鴻運乳豬件全體:乳豬皮夠脆，肉就肥咗D!(2)碧綠珊瑚蝦球:各種材料新鮮，仲好入味!(3)玉環瑤柱甫:舊瓜同瑤柱味道唔錯，伴碟嘅菜硬咗D同唔入味!(4)金磚百花球:球形嘅係蝦球，磚形嘅係炸鮮奶!蝦球新鮮，炸鮮奶甜度啱啱好!(5)紅燒蟹肉生翅:魚翅分量算係咁，調味唔錯!(6)蠔皇鮑片玉掌:鮑片唔夠淋，鵝掌就夠淋，調味一樣唔錯!(7)清蒸沙巴虎班:條魚蒸得時間啱啱好，魚肉離骨又夠滑!(8)當紅炸子雞:肉質滑，皮夠脆，簡直係皮脆肉嫩!(9)生炒糯米飯:味道適中，材料足夠!(10)鮮菇炆伊麵: 味道適中，麵就太淋!(11)美點或桃包:我地挑咗桃包!今次蓮蓉味道同樣唔錯，不過染色太紅啦，D色素唔健康!(12)精美甜品:紅豆沙味道夠甜，分量適中!
味道方面，今次12個人幫襯富華宴，味道皆唔錯!食物包括:
(1)鴻運乳豬件全體:乳豬皮夠脆，肉就肥咗D!
(2)碧綠珊瑚蝦球:各種材料新鮮，仲好入味!
(3)玉環瑤柱甫:舊瓜同瑤柱味道唔錯，伴碟嘅菜硬咗D同唔入味!
(4)金磚百花球:球形嘅係蝦球，磚形嘅係炸鮮奶!蝦球新鮮，炸鮮奶甜度啱啱好!
(5)紅燒蟹肉生翅:魚翅分量算係咁，調味唔錯!
(6)蠔皇鮑片玉掌:鮑片唔夠淋，鵝掌就夠淋，調味一樣唔錯!
(7)清蒸沙巴虎班:條魚蒸得時間啱啱好，魚肉離骨又夠滑!
(8)當紅炸子雞:肉質滑，皮夠脆，簡直係皮脆肉嫩!
(9)生炒糯米飯:味道適中，材料足夠!
(10)鮮菇炆伊麵: 味道適中，麵就太淋!
(11)美點或桃包:我地挑咗桃包!今次蓮蓉味道同樣唔錯，不過染色太紅啦，D色素唔健康!
(12)精美甜品:紅豆沙味道夠甜，分量適中!
(13)合時鮮果:西瓜同菠蘿夠甜，好消暑呀!
環境方面，呢間富臨嘅地方太殘舊啦!佢嘅裝修一D都唔豪華或者高雅!佢亦冇其他酒樓咁先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應梘液機等先進設備，電視機畫質都差過人!呢個舖都算幾大，可惜有個不足之處，仲係死症，就係身處於舊樓中，柱多、橫樑多兼樓底矮，少咗某種氣派!
服務方面，不過不失啦，做野算勤快醒目!如果各個服務員有多D適當嘅笑容就好啦!
衛生方面，碗碟超級污糟邋遢，地方算企理，洗手間都整潔!
抵食方面，$3288包13款菜式、嘉士伯啤酒4罐、汽水8罐、德利文加紅酒1支、雀片、卡拉OK、12位茶芥及加一服務費，算係咁啦!
整體來講，呢個富華宴算抵食!至於食物、環境、服務、衛生各方面質素都唔錯，幫襯得過啦!
Post
