星巴克咖啡

Open Now

Now Closed

最後喇最後喇，聖誕系列去到2012年1月3日就完了，我也總算試齊01年聖誕系列的甜品啦。聖誕雪人蛋糕杯 ($24)呢舊雪人先生真係糖到飛起，我都見過有人買來食，不過見親嘅都係小朋友食囉....大人都唔會食佢喇啩？係勁硬的糖下面其實係朱古力蛋糕，蛋糕裡面有好多朱古力粒，係雪人頭下面係榛子忌廉.....味道唔似榛子，有Ｄ怪添。而朱古力蛋糕質感都麻麻....即係成舊都唔好食，如果唔係我怕0徒野，都唔會一路傾一路慢慢食Ｄ食Ｄ.......囉。香蕉核桃鬆餅 ($16)上年尾都出咗幾款以香蕉為主的糕點，呢次都係第一次食香蕉核桃鬆餅，本身唔多鍾意Muffin，因為真係好肥，不過見呢舊Muffin比其他味道的Muffin細⅓之多，細細舊都可以一試嘅....係新野都想試吓架啦。翻叮後外層好硬，但原來都有少少脆，裡面都唔甜，有黑色一絲絲狀的物體，食落有唔似香蕉，其實都唔知係乜野來？整體又幾好食喎。薑汁鮮奶咖啡 Gingerbread Latte (Tall: $36)係鮮奶味極重之下完全唔覺有薑味，呢杯其實係叫鮮奶味薑汁咖啡多Ｄ，呀....其實係連咖啡味都冇。