勝八鉄板串料理 (Closed)

2016.12.14【12.14 CWB午市抵食鐵板料理】 上次鐵板燒brunch之後， 心思思又想食，啱好又過海， 所以openrice一下又去試嘢。 一點鐘，勁多人，好彩仲容納到我哋。 前菜、沙律、麵豉味噌湯、刺身兩點 麵豉味噌湯 前菜、沙律 螺裙邊，芝麻醬沙律同麵豉味噌湯，係經典味道。 刺身兩點 蝦超甜，塊魚都好，不過俾蝦比下去。 煱燒烏冬 有隻天婦羅蝦，有隻生蛋，菜同京蔥， 個稻庭烏冬好好麵質，湯底都好好， 呢個變做陽春烏冬我都制。 炒飯 炒飯唔係唔好味，而係有稻庭烏冬珠玉在前，炒飯相對失色。 加咗少少烏冬湯落去，當堂好味好多。 海蝦雞肉、牛肋骨、黑豚露筍燒、芝士翠玉瓜 海蝦，牛肋骨，黑豚露筍燒，芝士翠玉瓜 調味適中，燒得好味。 唯獨雞肉重手咗少少。 甜品:豆腐雪糕 有巨峰提子果醬嘅豆腐雪糕， 一濃一淡，味道夾得啱啱好。 加一之後又有八五折，兩個人都係205， 食到好味稻庭烏冬同鐵板燒食物，都叫抵食啦。