石記廚房

Open Now

Now Closed

今日行完工展會，同屋企人嚟咗呢間位於天后嘅餐廳食飯，從來未見過咁昂貴嘅餐牌除咗喺酒店入面，見到佢嗰個天價數字，心諗你哋憑乜嘢收得咁貴？啱啱入去嗰陣時餐廳冇乜人，環境一般唔算好乾淨亦都唔算好污糟，睇落似好細小嘅茶樓，望一望個餐牌啲餸好似普通大排檔茶餐廳，但係望一望個價錢真係嚇親人，叫咗兩個餸第一個係窩蛋牛肉煲仔飯，另外一個係雜菜粉絲煲。見到個天價之後我就即刻入咗嚟OpenRice，然後見到好多負皮，心諗今次伏咗啦！見到其他食評講佢服務態度差，都已經算。雜菜粉絲煲粉絲得嗰幾條，我好肯定佢一定無半扎，先係俾個價錢嚇親，然後再比佢個份量嚇親，如果你心血少千祈唔好行入嚟！食飯食到嬲嬲地，份量少都算啦！個粉絲＄118得個幾條菜，真係好珍貴呀，真係好想連個湯都飲埋一滴都唔好嘥。之後嘅係窩蛋牛肉煲仔飯，味道正常，煲底有飯焦，價錢竟然係＄148，比起喺佐敦廟街或者係街上面求其搵一間煲仔飯，簡直係兩倍。而家個個都興相機食先，係我仲未影相嘅時候，個侍應竟然行埋黎，一手打開煲仔飯個蓋，然後用隻匙羹差落隻蛋度，嗰一刻我個心碎咗，佢一路撈啊撈，將雞蛋同牛肉同埋飯撈埋，呢一刻真係完全失望心碎💔以上食評附上餐牌，大家