尚上下夏 - 養生雞煲火鍋 (Closed)

「一般既雞煲店係當你食完雞就加水打邊爐，尚上下夏就唔會加水，你要加$50左右就可以選擇幾款健康湯底，但湯底真係好正! 」聽完朋友Hardsell之後，有啲心血來潮，嗰晚就拉左女朋友去試, 因為用健康湯底冇咁熱氣，一般既雞煲再用雞煲汁打邊爐真係好熱氣。雖然係星期日，但六點左右去就唔多人，唔駛等位真係好! 環境方面，店舖裝修似大排檔，有摺枱，膠椅。牆身貼左好多港式Slogan，幾特别同新穎。醬料方面就位位$12作茶芥費，真係估你唔到張餐單唔好睇佢得一張咁簿，其實都多款式選擇。不過選擇鴛鴦鍋嗰度我唔係好明白，好彩職員好好人，解到我明白為至。我同女朋友最後選擇雞脾併雞胸(大份)同埋瑤柱群翅雞湯，當然仲有打邊爐必備良品-竹蔗茅根。.雞煲好足料，入面有八角、麻子、洋蔥、蒜頭、莞茜，配料好夠令成個雞煲超級麻。雞件完全冇骨,，啱晒我呢個食肉獸！另外豬皮索晒啲汁，吸收晒雞煲既精華，超級惹味！醬汁比較甜，所以我應付小辣係卓卓有餘。打邊爐我地叫左好小材料，只有冰豆腐、雜菜籃、手打三色滑、四川苕粉(食完雞都八成飽)。 四款材料都好新鮮，當中四川苕粉最特别，苕粉較為粗身，熟左就變左半透明，幾有咬口。瑤柱群翅雞湯