峰景餐廳 (Closed)

今日突然好想食西餐，所以就試吓呢一間餐廳，望出去係好靚嘅海景，環境氣氛好有情調！生蠔比較細隻，但係食得出好新鮮而且款式都好多。八爪魚沙律，煮熟左八爪魚雪凍再切成薄片令八爪魚好易咬同食，好有心思，，啲沙律汁酸酸甜甜配合得好好。龍蝦湯好濃味！呢個印度薄餅一定要食，份量好大，仲配合埋唔同嘅醬料同咖喱，冇諗過呢到啲咖喱可以整到咁好味，好有印度風味，又唔會太辣。煮青口配薯條同麵包，可能係因為最後上嘅一道菜同埋食得太飽，所以覺得普通。餐廳用AE卡星期一至四 ，兩位有半價，如果唔係正價都算少貴。