咖啡弄 (Closed)

今次揀左呢間餐廳同好朋友相聚。呢間係一間台式既cafe，記得餐廳岩岩開張個時，要排成個幾鐘先可以入去食野，依家熱潮倒退，無之前甘多人，仲可以預先打電話訂位。上到去，環境偏暗，位與位之間，比較逼，隔離講野你會聽到，感覺麻麻。台式cafe好似全部都要叫一杯野飲，仲有限時90分鐘。我地先叫左份總匯三文治。三文治個餡有青瓜，雞肉，芝士，蛋，火腿，菜，食到有的甜甜既醬汁，面包有烘過，都幾好食，唔漏。個蛋沙律個汁好少，菜係普通既生菜。再加上有墨西哥脆片，味道唔錯，同三文治都幾夾。我叫左杯優格野莓沙冰，一黎到已經嘩左一聲，真係好大杯....份量好足料，好多莓，都幾好飲。鮮草莓沙冰，佢上既時候，會有一個燈係底，整到杯野好靚。鹽味焦糖冰淇淋鬆餅鬆餅是厚實型，唔係雪芳蛋糕質地，基本上食2塊都已經飽到上心口....雖然唔係鬆化，但味道都OK，加上cream同糖漿，好好味，仲有的nuts，雪糕，口感層次都幾豐富。