潮福蒸氣石鍋 (Closed)

如果計蒸氣鍋，潮福名氣算係數一數二。西灣河呢間環境闊落，服務員嘅態度都非常之好。店員會用個計時器計好每到海鮮蒸嘅時間同埋上碟時間，確保食物不會過生或熟。今次叫咗淮山雞粥底，初頭以為蒸完晒所有海鮮最後先食個粥，啲味道一定怪怪地。但其實我覺得原來個粥先係成餐嘅精髓所在，去到最後個粥煲到好綿好鮮甜嘅味道。個套餐包埋三個定食，因為今天沒有大閘蟹，所以有脆皮乳鴨、貝殼盛盤同生猛龍蝦。呢三個之中我最鍾意食個龍蝦，因為真係超生猛，跳下跳下，十分新鮮。之後我地仲揀左生猛大元貝、鮑魚、蟶子皇同龍躉件。每樣都好新鮮同埋煮得啱啱好。其實食完最基本果啲定食同埋自選項目之後，都好飽都冇機會叫到任食嘅嘢，所以下次一定要再嚟食。