Zakka (Closed)

難得過海，心思思想食班戟，喺見到希慎條人龍我都調頭走。結果黎到zakka，喺門口揭餐牌都有少少猶豫，一來唔確定水準，二來想食嘅呢款班戟不便宜，接近一百蚊。喺呢區有平價嘅iloveyoudessertbar，或者差唔多價錢食奇蹟班戟，好似有種心理關口要衝破餐廳位置都幾多，快餐店模式，先到收銀處點單、自行搵位、取餐具，由店員送餐。除左甜品，仲有沙律、小食、意粉、漢堡、牛仔骨等，比起甜品，唔算好貴。甜品款式唔多，有班戟、拿破崙、窩夫、芭菲杯等，定價稍高，就$68-98。👉🏻梳乎厘班戟 配北海道牛乳雪糕 $98等候約20分鐘，賣相幾靚，一幢三件，眼見連續出爐幾份，外型都做到差不多。伴上雪糕、楓糖漿、水果粒、忌廉。班戟質感鬆軟，沒有下塌，落刀可見彈性，口感軟綿滑溜，濕潤度剛好，唔會太乾或者未熟蛋香算幾出眾明顯，落啲楓糖漿甜甜地，冇咁單調。估唔到集團出品都有咁嘅質素配上北海道牛乳雪糕，份量略少，牛乳味弱，冰感太重，似雪葩，視為敗筆98蚊實在有點貴，唔能夠經常吃，同時令我諗起喺屯門嘅班戟館，賣相、味道、價位有點相似。性價比唔高，勝在坐得幾free👉🏻凍朱古力咖啡 +$18餐牌：