浜滝 (Closed)

今日經過天后，見到呢間日式餐廳門面同埋餐牌都好吸引，所以就同朋友入去試一試。我哋兩個胃口都比較少，所以呢度都好啱我哋。佢係以吧枱位為主，有好多唔同嘅小食同埋串燒，叫完可以慢慢食傾吓計。我地主力叫串燒。沖繩燒菠蘿，自然甜、唔酸。免治雞肉串配日本蛋。好食！牛油燒粟米專登走咗牛油，但係依然咁甜。平時多數係灼秋葵，第一次食燒秋葵，完全冇潺嗰種感覺，好爽脆，好特別。海膽帆立貝串係推介～燒完仲保持到鮮味。最好味係呢個燒海老，三十八蚊好大隻又夠鮮甜！性格比高！仲叫咗啤酒餸串燒，呢個配搭簡直一流。