Seafood Stand (Closed)

夏日炎炎 , 無咩胃口, 但小妹從來對煎炸酥香食物毫無抵抗力, 路過尖東一間漢堡店, 驟看店家食物價錢公道, 且大件夾抵食, 當然路過不忘一試啦。最初以為店家尚未開門, 原來向右入商場即見店家正門門口。安格斯牛肉漢堡 $65嘩, 超豐富的牛肉漢堡! 漢堡裹著大大片芝士, 加上份量十足配料, 重點主角漢堡肉汁豐腴, 跟外脆內軟漢堡包一齊品嚐簡直絕配。跟餐仲有汽水同粗身薯條, 確實抵食又好食, 正!!水牛城雞翼配芝士汁 $38有4大隻雞翼雞鎚呀!! 雞翼經店家特別調制非常可口, 雞肉嫩滑, 醮芝士汁超級好食。 加上4條新鮮透心涼的青瓜及甘荀, 完全一解飽膩感覺, 有如畫龍點睛效果。炸白菌 $25對於身為愛菌一族的小妹, 店家的炸白菌絕對需要一讚。炸醬皮薄不在話下, 內軟多汁的白菌, 配店家調味沙律醬, 吃下令人不能停下, 不消數分鐘已清碟啦。小店面積雖少, 但食物質數絕對用心, 以大眾化的價錢, 提供超水準的菜式, 路過的朋友一定要不忘支持。