1+2 餐廳 (Closed)

餐廳位於旺角，多得有次朋友帶我嚟食先知有間唔係咁起眼嘅舖仔，今次到我帶幾個朋友仔嚟食。餐廳樓底好高，座位唔多，客人亦比較多，食物質素唔錯，價錢又唔貴。香煎豬扒飯，豬扒鬆軟，茄子仲保留靚靚嘅紫色，有菜有蛋，都幾豐富。鮮茄燴牛脷意粉，意粉同個汁嘅味係唔錯，不過牛脷好細件，而且好少。吉列豬扒腸仔飯，扒炸得好乾，外面有啲硬。鮮茄焗豬扒飯，豬扒切塊，都幾厚，飯粒粒分明，好味。芝士蘑菇煙肉燴意粉，無咩芝士味，整體可以。