The BASE (Closed)

是日放假，捉住暑假尾巴同小魔童出街搵食。今次來到近年餐廳臨立既觀塘工業大廈，豐利中心5樓既 The Base。呢間Cafe 都幾出名，朋友食過都話得，值得推介，於是帶小魔童來食下，順便去隔離既apm行下街。呢道環境好舒服，實木枱櫈加上冷色調既cushion同梳化，感覺好和諧，心情可以好好放鬆一下。室外仲有露天座位，不過當日有落雨所以還是乖乖留在室內了。入座後職員會準備一樽放有葉子的水。第一道菜：炸雞翼珍寶珠釀松露蝦肉配蛋黃醬，呢個成粒珍寶珠咁既其實係用大size雞翼釀蝦肉，再加上混合黑松露醬的蛋黃醬，滋味無窮。小魔童見個樣咁過癮，又好食，邊食邊流露住滿足既笑容。芝士焗蕃茄莎莎大啡菇，味道香濃有層次，加上火箭菜略略點敘，帶來味覺刺激，亦有開胃作用。到今日既重頭戲，燒原隻魷魚釀墨魚汁意大利飯。剛上碟時，上面的木魚碎被熱力蒸到郁下郁下，好吸小魔童眼球。呢個由原隻魷魚包住既飯，原來內有玄機，入面既墨汁意大利飯原來係用紫菜包成飯卷，切件，咁食起上來就方便好多喇，真係好有心思。仲有，呢個飯既味道係真係一流，朋友就係冇介紹錯，值得推介。