梅光軒 (登龍街) (Closed)

登龍街一帶有好多拉麵，成日來來去去都係食金田家、豚王，呢兩間拉麵嘅質素已經冇辦法滿足我，於是我又要發掘啱我食嘅拉麵。今次就試吓梅江軒，店舖好細，啲枱係紅色嘅，好搶眼睇落去好醒神。我叫咗一份鹽味炙燒豚肉拉麵，湯底都幾清，入口幾清淡。豚肉就幾好食，快肉夠厚身，因為小過，所以入口有焦香味，而且肥瘦適中，我幾鍾意食。但係麵方面就要扣分，湯底已經夠談，麵條唔夠彈性，同喺屋企食公仔拉麵有乜嘢分別呢？薯餅都唔係好啱我食，我以為入口係淡淡的蟹肉，點知係忌廉多過蟹肉，麻麻地。