板長壽司 (屯門時代廣場) (Closed)

今日心血來潮想食壽司，行經依間板長壽司，見排隊人數唔多，於是就拎飛等入座。仲記得喺早幾年，密集式嘅電視廣告，以及日本一拖羅之名追捧下，每次見到板長都會大排長龍。而我今日等咗5分鐘就有位入座。雖然熱潮已過，但我覺得板長嘅壽司其實仍然相當新鮮，而且質素有保證。我最鍾意佢會將牡丹蝦嘅蝦頭炸熟，等我可以連頭都食埋！另外鯛魚壽司我認為板長壽司出品嘅比市面上其他對手更為新鮮可口！至於服務以及環境，個人感覺差別不大。