Video
Read full review
2018-10-02
439 views
第一次黎食outback，由小學時候已經聽聞佢地既「黑糖麵包」。但係由於係集團式，所以都不抱太大期望。場地好大，午餐客人不多，我兩個人都可以隨意擇位，坐張四人枱。揀咗寬條麵同黑毛豬，因為係廚師推介。點餐後，首先奉上黑糖麵包。麵包係暖笠笠既。朋友嗌個蜜糖芥茉漿，果然點上後又係另一番風味。呢個麵包真係好好食，甜甜的味道好特別。嗌左個凍奶茶同凍檸茶。如果一早知道奶茶係茶包加奶，就唔會嗌。變咗好似杯奶水咁～ 檸茶應該都係茶包浸出來。跟餐的沙律和湯個人覺得好似好濃雞粉味咁～ 而且一早已經放咗黑椒，係微辣既 再嚟就係闊條麵，闊條麵都好掛汁，雞肉份量都幾多，味道冇乜特別。唯一唔滿意嘅就係竟然又係充滿着黑胡椒雖然黑胡椒係西餐來講係好重要，但係係冇預期之下... 份量有啲過多～黑毛豬略微出色，肉汁鎖住係入面，唔會太硬。總括嚟講呢餐埋單286$ 西餐午餐黎講唔貴，而且沙律飲品麵包都可以添加，三五知己慢慢坐，性價比其實都幾高。
場地好大，午餐客人不多，我兩個人都可以隨意擇位，坐張四人枱。
揀咗寬條麵同黑毛豬，因為係廚師推介。
點餐後，首先奉上黑糖麵包。麵包係暖笠笠既。朋友嗌個蜜糖芥茉漿，果然點上後又係另一番風味。呢個麵包真係好好食，甜甜的味道好特別。
嗌左個凍奶茶同凍檸茶。如果一早知道奶茶係茶包加奶，就唔會嗌。變咗好似杯奶水咁～ 檸茶應該都係茶包浸出來。
跟餐的沙律和湯
個人覺得好似好濃雞粉味咁～ 而且一早已經放咗黑椒，係微辣既
再嚟就係闊條麵，闊條麵都好掛汁，雞肉份量都幾多，味道冇乜特別。唯一唔滿意嘅就係竟然又係充滿着黑胡椒雖然黑胡椒係西餐來講係好重要，但係係冇預期之下... 份量有啲過多～
黑毛豬略微出色，肉汁鎖住係入面，唔會太硬。
總括嚟講呢餐埋單286$
西餐午餐黎講唔貴，而且沙律飲品麵包都可以添加，三五知己慢慢坐，性價比其實都幾高。
Post
