肥仔海南雞專門店 (開源道) (Closed)

今曰突然好想食海南雞飯，就去左買肥仔，平時行開經過聞到好香都已經想try下架啦！有得可以八達通俾錢，幾方便喎。好貼心，有輕量裝選擇，岩哂細食之人，咁就唔怕食唔哂浪費啦。招牌無骨海南雞飯加左$5轉雞脾肉，雞肉好嫰滑又唔肥！連埋雞皮一齊食，Yummy！油飯就比較遜色了，首先唔夠熱，其次冇乜油香味，伴菜得兩舊青瓜。配左酸辣醬，點雞加入飯撈都好味，不過開蓋就要小心點，個蓋好似蓋唔實咁，好易整到成枱都污糟。送左杯元貝冬瓜清雞湯，夠熱，都幾清甜，飲完唔會口渴。