Video
Read full review
2018-10-22
522 views
近年，香港興起左各式各樣嘅台式火鍋，自己都係愛好者，特登約咗住馬鞍山嘅朋友，去We Go Mall 養心殿試下。We Go Mall 平日好少人，食肆都偏少人，反而養心殿算7，8成full，建議週末都係book位。講返食物方面，打邊爐最緊要係湯底，除左台式火鍋一般有嘅麻辣鍋，酸菜白肉鍋，依度主打幾款特式養生鍋，包括有中藥+烏雞+鮮魚嘅寧神養心鍋，薑母雞鍋，有核膠+烏雞+南棗嘅美人鍋❤，同中藥+烏雞嘅養生鍋。我地最終揀左養心+美人鍋鴛鴦鍋（唔洗加錢一定揀兩款喇！）。見佢fb 打卡有飲品送，我地即時打左，送咸檸7同酸梅湯各一。食物方面我地無揀到海鮮，牛肉，揀左即炸脆響鈴，黑松露蝦丸，自家製極品水餃，紫准山麵，鴨血，水蓮（每日飛機直送）。本身諗住叫完一轉再叫其他，點知原來個湯底本身實在好足料，養心+美人鍋鴛鴦鍋本身都有烏雞，養心再加埋魚，我地兩個都算大食，但都好夠飽。個湯底黎到，真係好香，職員有提醒湯滾左先飲左湯，之後先落其他火鍋料。養心鍋奶白色嘅魚湯底，加埋天麻當歸同烏雞，好香甜。美人鍋有好補嘅核膠同南棗，加埋烏雞，湯底好清甜。要提一點係烏雞好嫩滑，我地兩個係清曬所有嘅雞肉。響鈴因爲即炸所
講返食物方面，打邊爐最緊要係湯底，除左台式火鍋一般有嘅麻辣鍋，酸菜白肉鍋，依度主打幾款特式養生鍋，包括有中藥+烏雞+鮮魚嘅寧神養心鍋，薑母雞鍋，有核膠+烏雞+南棗嘅美人鍋❤，同中藥+烏雞嘅養生鍋。我地最終揀左養心+美人鍋鴛鴦鍋（唔洗加錢一定揀兩款喇！）。
見佢fb 打卡有飲品送，我地即時打左，送咸檸7同酸梅湯各一。
食物方面我地無揀到海鮮，牛肉，揀左即炸脆響鈴，黑松露蝦丸，自家製極品水餃，紫准山麵，鴨血，水蓮（每日飛機直送）。本身諗住叫完一轉再叫其他，點知原來個湯底本身實在好足料，養心+美人鍋鴛鴦鍋本身都有烏雞，養心再加埋魚，我地兩個都算大食，但都好夠飽。
個湯底黎到，真係好香，職員有提醒湯滾左先飲左湯，之後先落其他火鍋料。養心鍋奶白色嘅魚湯底，加埋天麻當歸同烏雞，好香甜。
美人鍋有好補嘅核膠同南棗，加埋烏雞，湯底好清甜。要提一點係烏雞好嫩滑，我地兩個係清曬所有嘅雞肉。
響鈴因爲即炸所以係好食嘅
自家製水餃入面有大大隻蝦，誠意之作
鴨血個人認為一般般，始終唔夠台灣嘅咁好食
紫准山麵算有特式，唔想咁heavy 係一個好選擇。
今晚推介之選係台灣直送水蓮（香港好少有得食），職員好細心咁比把剪刀我地✂，建議我地剪成手指咁長嘅長度，然後用個網滾10秒就食得，好有台灣嘅味道！雖然喺香港食唔平，依度就要$88，但真係物有所值，下次想試埋台灣A菜。
仲有好多調味料可以選擇，但我覺得湯底好夠，所以唔用都好好味。
仲有好多海鮮可以選擇，但得兩個人就無叫
忘記提一提，餐廳環境唔錯，暗暗地同埋有屏風分隔d table, 似足台灣有私隱度，值得一讚！
Post
