北海道爐端燒 (Closed)

遊日喪食完返港病足一星期之後，終於可以復出繼續周圍去食野。食店林立的亞士厘道，相信大家絕對唔會陌生，今云同個朋友上樓做訪一下北海道爐端燒，最緊要都係果句價錢合理款式要多。舖內靠邊位置係一列長方形多層酒架，展示出各式各樣酒品，非常吸睛，係尼種環境之下嘆爐端燒真係好氣氛D。先點幾種熟食黎熱下身，每次食日本菜都例必點既玉子卷，最正仲係有味道濃郁既明太子混在其中，一碟六件厚身之餘且嫩滑多汁，暖暖的入口溢出豐腴既蛋香又夾雜微微辣魚子鮮味，非常開胃!再黎另一款香口既菜式，就係佢地既招牌酥脆雞塊。一口一塊般大小既雞肉，外皮炸得乾身兼鹹香味+金黃度十足，搭配上少量醬汁芝麻粒，絕對係難以抗拒，一定要趁熱將佢地趕快吃畢。至於燒物方面就點左一份牛仔骨，可能是晚廚房太忙關係，外觀呢就似乎....有點兒過左火略呈燶邊同焦黑，幸好咬落去肉質尚算留有點油份未至太乾涸，不然就沒法入口要換別的菜式了串燒類別我們則點了牛舌及華味鳥肝兩款。熱騰騰既牛舌整片入口細嚼，你一定不難發現其Juicy油潤度十足且富彈牙之感，至於雞肝味道就略帶回甘可口，絕對係佐酒既必然之選同場追加了一份3點刺身盛合，都係新鮮之作，最緊要都係有我鍾意既