Girlboss by Master Kama (Closed)

呢間girlboss開左係屯門都一段日子，終於有機會試下佢，約左成班女仔去試下先。啲位都坐得幾舒服，每枱都有矮牆括住，有啲私穩。因為有四個人，所以叫左個$368既set。其實我覺得幾抵，因為樣樣都可以試到，又唔貴。上面個堆是蟹肉來的，我覺得幾好味。個沙律就係二人份量。大蜆薯蓉，薯蓉既質感比較粉。食得辣既朋友可以試呢個，大蝦辣椒意大利粉，因為...真係好辣。哈哈，我食到，覺得佢既辣味係個口入面再回味，好刺激咁，蝦既肉質好新鮮。這個單骨雞翼，配左海苔味既調味粉，shake完之後，成隻雞翼都滿佈海苔，好好味。鮮蝦米紙卷焦糖黑醋豬肋骨，呢個都好味，個豬肋骨甜甜的，一咬落去，肉就溶左咁。睇佢細細碟其實都幾多料。職員好細心，留意到我地隻杯無水，都會幫我地加水。店內若果想切蛋糕，加五十蚊切餅費。