Video
Read full review
2018-12-18
1943 views
三台八座係西環入面眾多台式餐廳之一，但係筆者作為台式料理嘅擁躉，食過咁多間附近嘅台灣餐廳嘅嘢，都係覺得三台八座係當中最高性價比嘅一間。筆者因此想試埋佢嘅晚餐，結果不出所料都係一樣高質，值得去食。筆者叫左紅酒繪牛舌，盛惠七十蚊，而set係跟左前菜、餐湯、主菜。先講下前菜嘅三文魚絲沙律，三文魚雖然係用急凍三文魚，但係都有三文魚獨有嘅鹹味，而加埋三文魚籽、粟米同青瓜，除左令成個沙律嘅後感更加豐富之外，甜嘅沙律醬更加帶出左三文魚同三文魚籽嘅味道，而青瓜就中和翻沙律醬嘅甜膩感，唔會令人覺得好full。至於餐湯，筆者係紅湯同白湯揀左忌廉湯，而忌廉湯非常濃郁，而且有濃到結塊嘅忌廉，唔會好似一d餐廳係煮嘅過程入面溝水，可以見到餐廳嘅堅持，值得稱讚。而到左主菜嘅紅酒繪牛舌，筆者配左薯菜，先講下薯條，薯條嘅款式雖然同平時係西餐廳食嘅一樣，但係水準絕對高好多，薯條唔會話炸得過分，可以見到仲有好多白色嘅薯肉外露之餘，表皮炸到酥脆而唔會太過熱氣，另外會有一支番茄醬俾人落，鍾意食幾多就落幾多，非常自主。至於牛舌，有別於坊間嘅煮法會令到牛舌煙韌，三台八座嘅煮法係整到牛舌非常軟霖，容易切開之餘，仲要非常之入味，而外皮
沙律
20 views
1 likes
0 comments
筆者叫左紅酒繪牛舌，盛惠七十蚊，而set係跟左前菜、餐湯、主菜。先講下前菜嘅三文魚絲沙律，三文魚雖然係用急凍三文魚，但係都有三文魚獨有嘅鹹味，而加埋三文魚籽、粟米同青瓜，除左令成個沙律嘅後感更加豐富之外，甜嘅沙律醬更加帶出左三文魚同三文魚籽嘅味道，而青瓜就中和翻沙律醬嘅甜膩感，唔會令人覺得好full。
忌廉湯
20 views
1 likes
0 comments
至於餐湯，筆者係紅湯同白湯揀左忌廉湯，而忌廉湯非常濃郁，而且有濃到結塊嘅忌廉，唔會好似一d餐廳係煮嘅過程入面溝水，可以見到餐廳嘅堅持，值得稱讚。
紅酒繪牛尾
16 views
1 likes
0 comments
而到左主菜嘅紅酒繪牛舌，筆者配左薯菜，先講下薯條，薯條嘅款式雖然同平時係西餐廳食嘅一樣，但係水準絕對高好多，薯條唔會話炸得過分，可以見到仲有好多白色嘅薯肉外露之餘，表皮炸到酥脆而唔會太過熱氣，另外會有一支番茄醬俾人落，鍾意食幾多就落幾多，非常自主。至於牛舌，有別於坊間嘅煮法會令到牛舌煙韌，三台八座嘅煮法係整到牛舌非常軟霖，容易切開之餘，仲要非常之入味，而外皮有稍微煎香，增加翻牛舌嘅口感。筆者個人覺得就咁齋食牛舌已經好夠味道，如果口味偏重嘅朋友，可以點埋佢俾嘅汁，筆者覺得呢個菜式可以跟翻白飯或者意粉，因為佢俾嘅醬汁可以用黎沾飯同粉，應該會非常好送。
溏心蛋
15 views
1 likes
0 comments
最後值得一提嘅係呢度嘅老闆相當好人，會周不時同你吹水，令人感覺到有賓至如歸嘅感覺，非常溫暖。筆者呢次同朋友一齊去，試左老闆另外一樣新嘅菜式，俾左少少意見，老闆非常好人送左2隻溏心蛋俾筆者同朋友，而蛋質量亦係非常之高，蛋黃完全唔會有全熟嘅部分，同埋溏心蛋嘅蛋白醃得好入味，加埋蛋黃流心嘅質感，令人百吃不厭！
Post
