三希樓 (Closed)

三希樓係我同屋企人最近時常去嘅餐廳。因為第一，地點方便。三希樓喺時代廣場11樓，泊車方便。第二，餐廳環境闊落，裝修幾優雅。D枱唔會擺到密一密，一家大細可以傾吓計，唔會太嘈。第三，食物質素新鮮，大廚手藝出色！有D川菜餐廳只會一味死辣。三希樓會辣得嚟仲保留到食物嘅鮮味。食物選擇多，唔辣嘅菜式都有唔少。第四，服務質素唔錯。仕應有笑容，勤收嘢同加熱水。希望佢一路都保持住高質素，咁我哋食飯就唔使周圍搵地方。